Петар Печков
Објавено: четврток, 12 април 2018
Велешкиот театар ,,Јордан Хаџи Константинов Џинот,, напладне премиерно ја изведе претставата ,,Заспаниот супер херој,, во режија на Младен Крстевски, работена според мотиви од народните приказни. Тоа е претстава за деца на возраст до 10-тина години.
Во претставата е раскажана приказната за борбата на доброто и злото, во современо руво. Пи ни пу е заспана од лошата вештерка и преку Гицо и Ицо треба да се спаси а за тоа е тука супер херојот. Има многу заплети, моменти интерсни за детската публика - рече Крстевски кој настапува во претставата заедно со Фаик Мефаиловски, Жарко Спасовски, Васил Зафирчев и како гости Ирена Илиевска и Филип Христовски.
Сценографијата е на Фили Коруновски изборот на музика на Снежана Митова. Претставата е работена од сопствени средства на театарот. Претставата е на редовен репертоар со почеток околу пладне, во зависност од денот и билети за неа можат да се набават на билетарницата пред почетокот. Организирано деца ќе можат да ја гледат и преку училиштата.
Tweet |