Петар Печков

Објавено: среда, 13 февруари 2019 507 204

Велешките пожарникари ланската година имале помалку работа споредено со претходните. ова го покажуваат бројките на ТППЕ за  2018 година. 

Во Велес лани  имало вкупно 252 пријави за пожари и други интервенции, што е за 66 помалку отколку во 2017-тата кога имало 318 пожари и други интервенции.

Најголем број од интервенциите на пожарникарите  лани, биле во опожарени куќи и при шумски пожари.

Интервенции на терен на ТППЕ од Велес се на територијата  на општините Велес, Чашка и Градско а лани после подолго време се вработија 10 нови пожарникари. 

Заради превентива  ТППЕ, во текот на 2018 година, вршела и едукативни предавања за заштита од пожари помеѓу основците и средношколците од градот.