Петар Печков

Објавено: петок, 07 мај 2021 548 99

За првите четири месеци од годинава, во велешко  починати се точно 300 лица. Ова се податоците добиени од ЈКП Дервен, на поставеното прашање  за издадените дозволи за погреб.  Во  оваа бројка  влегуваат  градот Велес и селата од велешко, без соседните општини Градско и Чашка. 

За илустрација, во првите шест месеци од 2020 имало 224 погреби. Или годинава за четири месеци бројката е далеку повисока, отколку лани за шест.

Од овие годинешни  300 починати, според бројките добиени од Центарот за јавно здравје во првите четири месеци  од последиците од корона вирусот, во велешко починале 66 жители или  секој петти. 

На прашањето упатено до ЈКП Дервен, во првите четири месеци годинава, најмногу издадени дозволи имало во март  102, или повеќе од тројца починати на ден, потоа  88 во април, и во јануари и февруари по 56 односно 54 починати.