Петар Печков

Објавено: среда, 08 јуни 2016 590 287

АК Вардар во Градско почна   жетвата на јачменот, паднаа првите снопови на лебно жито. На околу илјада хектари површина  колку што е засеани со јачмен и пченица, прво започна жетвата на јачменот.  

Вообичаено во регионот на Градско први  во  Македонија започнуваат со оваа  земјоделска работа, оти територијата е со високи температури и ниски количества на  врнежи. 

Не би можеле да зборуваме колкав е приносот, оти штотуку влеговме по полињата. Неблагодарно е сега да се каже,  ова се првите собрани количества – велат од АК Вардар од Градско.  

Половината од собраните количества на јачмен  и пченица тие ќе ги користат за нивната фабрика за сточна храна,   како храна за овците, додека втората половина ќе се продава на мелничката индустрија.