Петар Печков

Објавено: сабота, 12 јули 2014 3794 254

Најмалку тројца мотористи паднаа, откако се лизнаа на масло  кое истекло од превозно средство.  Ова се случи претпладнево, во центарот на Велес,  на улиците Гоце Делчев и Страшо Пинџур. Истеченото масло е  во должина од околу 200 метри. Лицата од околните дуќани уште рано претпладневно бараа да се санира опасноста, поради лизгавиот коловоз.

Ова се случи после 8 и пол. До тогаш немаше ништо, улицата беше чиста. Потоа кога излегов околу 9 веќе имаше долга лента на истечено масло. Не можам да кажам од што е, дали мотор, дали автомобил, камион  или трактор, ама беше многу лошо – вели  еден од сопствениците на продавниците кои работат на овој потег од градот. Нема сведок кој ќе посочи кој е сторителот на овој сериозен прекршок.

Најмалку тројца мотористи паднаа, откако се лизнаа на маслото. По некое време кај 11 дојде трактор на Дервен истури  земја и се покри  моторното масло. Сигурно треба да  се најде сторителот, оти еден до  посериозните прекршоци е излевање на масло на јавна површини. Згора на тоа во овој случај беа доведени во прашање и учесници на сообраќајот, кои за среќа минаа само со падови и   полесни повреди- вели друг сопственик на дуќан на овој потег. 

Маслото започнало да тече од споменикот кај Коњот  и го има се до плоштад Сармаале. Истото сега е покриено со земја и отстранета опасноста. Од СВР Велес го потврдија настанот и велат дека се бара сторителот на  ова прекршочно дело.   Тоа иако се случи во центарот на градот, никој не го виде а последиците ги почувствуваа повеќемина.