Петар Печков

Објавено: среда, 30 ноември 2016 994 278

Минаа  77 години  од кога македонскиот поет Коста Солев на 25 ноември 1939-та   ја издаде  неговата збирка песни  ,,Бели мугри,,  во Самобор Хрватска. Токму таму изминатиот викенд, во паркот во овој Хрватски град    се собраа Македонците од Хрватска, но и нивните домаќини и пријатели да оддадат почит на поетот  и револуционер.  

Пред бистата на Рацин  се читаше негова поезија, се положи цвеќе од страна на Заедницата на Македонците во Хрватска и од страна на градот Самобор, кои заеднички ја организираа оваа свеченост.  За делото на поетот говореше проф. др. Васил Тоциновски.

Долги години трае  искреното и непоматено пријателство меѓу Македонскиот и Хрватскиот народ. Посебно место за Македонците зазема Самобор каде   се отпечати книгата Бели мугри,  со несебична и  голема помош во  печатницата сопственост на Драгутин Шпулер. Таа е отпечатена во 4 илјади примероци тираж, но остави силен траг во македонската културна и национална историја – изјави Тоциновски.  

Тој зборуваше и за учеството на Македонците во  Шпанската граѓанска војна.  Свој настап имаа и членките на македонското друштво ,,Охридски бисери,, од Загреб кои испеаја неколку стари  македонски песни.  

Почитта на градот Самобор кон Рацин и Велес е голема и сериозна, така пред пет години  поставена е биста во тамошниот парк а лани еден мост во Самобор  го доби името по збратимениот Велес.