Петар Печков

Објавено: среда, 15 мај 2019 545 227

Во месец април освен редовните активности на чистење на јавните површини, вонредно се чистеше на неколку локации во градот и околината. Поради неразумното однесување на дел од сограѓаните, да се фрла смет, градежен шут на простор каде не му е место, вработените од ЈКП Дервен беа ангажирани на расчистување на повеќе локации од отпад.  Од сите локации биле  собрани 160м3 отпад кој е транспортиран и одложен на соодветна депонија.

Општина Велес и ЈКП „Дервен“ неуморно работат да се подобри состојбата со животната средина во градската средина. На терен е видливо дека и покрај сите апели, граѓаните продолжуваат да фрлат отпад на несоодветни места со што дополнително се влошува состојбата. Ги повикуваме граѓаните совесно да постапуваат со отпадот и на тој начин да придонесат за подобра хигиена во градот, бидејќи тој им припаѓа на сите граѓани и е нашата слика пред светот - велат локалните власти.

Смет и градежен индустриска зона Речани, пристапите кон црквите, како и десетици јавни површини во урбаната средина. Пред првомајските празници беа исчистени и рекреативните места Езеро Младост и река Бабуна, како и две депонии во непосредна близина на градските гробишта во Раштани и брегот на реката Вардар на левата страна од градот на место викано УСКА.