Петар Печков
Објавено: вторник, 02 април 2019
Во месец март во Велес биле забележани девет случаи на мали сипаници, а од почетокот на годинава вкупниот број е тринаесет лица. Последната седмица од март заболени биле двајца велешани.
Најголемиот број на заболени лица се родени 75-та до 78-ма и сите се на работа во Скопје. Или може да се каже дека во Велес морбилите ги увезовме од главниот град. Добро е што не се јавија малите сипаници кај деца кои не се вакцинирани или имаат примено една вакцина - изјави сци. епидемиолог д-р Билјана Трајкова.
Taa потсети дека со задолжителна вакцинација е започнато во 1973-та а со по две дози вакцината против морбилите започна да се применува од 1987-ма година. Затоа од девет случаи во март пет биле невакцинирани а три примиле една доза.
| Tweet |
