Петар Печков
Објавено: вторник, 01 август 2023
Понеделникот доцна попладнето бил уапсено лице кое бегало од полицијата по што таа пукала во воздух. Настанот се случил во населба Отовица.
„На 31 јули во 19.20 часот во населба Отовица во Велес, полициски службеници од СВР Велес го лишиле од слобода Б.Ш.(20 год) од село Морани, општина Студеничани. Претходно, тој не застанал на знак за запирање даден од полициските службеници и при обид за бегство со возилото „мазда“ со скопски регистарски ознаки, кое го управувал, удрил во сообраќајни знаци поставени покрај патот, по што го напуштил возилото. Откако неколку пати не застанал на дадена наредба, полициски службеник испукал два предупредувачки куршуми во воздух, по што лицето застанало и било лишено од слобода“ - соопшти Ристе Самарџиев, портпарол на СВР Велес.
По документирање на случајот, против него полицијата ќе поднесе соодветен поднесок.
| Tweet |
