Петар Печков

Објавено: петок, 11 март 2016 1923 265

Седум лица се уапсени а одземени се 11 м3 огревно дабово дрво, шест автомобили и едно комбе во ноќната акција на Шумската полиција, СВР Велес и Шумското Стопанство  Бабуна. Акцијата е спроведена во четвртокот навечер  на теренот на планината Дервен на стариот пат Велес - Прилеп  а  сторителите биле прилепчани.        

Во акцијата одземени се 11 м3 огревно дабово дрво, шест  автомобили, три моторни пили, едно комбе  ,,застава,,. Седум  лица  се лишени од слобода, сите прилепчани и се на возраст од  15 до 43 години - изјави Анита  Стојковска портпарол на СВР Велес, на заедничката прес  конференција со шумската полиција.

Ова е трета голема заедничка акција за два месеци на истиот терен, кој е често  мета на пустошење на дрвокрадци. Таа  најави дека  против сторителите ќе бидат поднесени соодветни кривични и прекршочни  пријави за  шумски кражби, пустошење на шуми и бесправен превоз на огревни дрва.  Акцијата била мошне напорно да се изведе  оти  теренот бил тежок, вечерта дождлива а  дрвокадците  давале отпор. Ноќта имало и истрели, со цел да се  дициплинира групата, која се обидела да   оштети  едното од возилата  на  Шумската  полиција.     

На лице место затекнати  се  неколку групи дрвокардци  во против правна сеча на дрвја а  вкупно  броеја помеѓу 30 до 40  лица. Даваа  и пасивен отпор, поради што моравме да истреламе во воздух три истрели.  Некои од нив се обидоа да го оштетат и нашиот џип.  Лицата кои беа затекнати  се стални нарушители на законот, познати  на нас. Дрвото  го продаваат на црниот пазар  во Прилеп  - изјави Горан Тодоров командир на Шумската полиција  Велес.

Во акцијата учестувале 14 шумски полицајци и 5 од СВР Велес  а се одвивала    во терминот од 20 до 2 часот полноќ  на  планината Дервен  на стариот пат Велес - Прилеп, помеѓу селата Степанци, Смиловци и Поменово.