Петар Печков

Објавено: вторник, 05 септември 2023 1262 14

Во првите шест месеци од годинава во Велес и велешко имало 19 случаи на позитивни на  ковид19. Ова се податоци од полугодишниот извештај на Центарот за јавно здравје во Велес, кој беше презентиран пред членовите на Советот на Општина Велес.

За овој период нема случај на починат пациент. Сите позитивни случаи биле потврдени и со тест.

„Станува збор за лица на кои во тој период им требале потврди кои беа барани  дека се негативни на ковид19 за оперативен зафат, за сместување во старечки дом. Потоа вакви потврди, после мај месец  не се бараа, па повеќе и немаше  регистрирани случаи“ - кажа д-р Бојан Тодоровски епидемиолог  од ЈЗУ Центар за јавно здравје Велес.  

За три години на светската пандемија во Велес и велешко од последиците на ковид19 починаа 330 лица.