Петар Печков

Објавено: петок, 12 октомври 2012 580 287

Во селото Горно Јаболчиште свечено беше отворена  пошта на „Македонска пошта“, која ќе има еден вработен.

Со поштенски услуги таа ќе опслужува скоро 4.000 жители од селата Горно и Долно Јаболчиште, што значително ќе им биде во полза на жителите зашто досега тие за поштенски услуги патуваа во Велес. Главно, се работи за жители кои имаат членови од семејствата во странство и од нив редовно добиваат пакети и други пратки.

Генералниот директор на „Македонска пошта“ Рафиз Алити  истакна дека отворањето на поштата е мал, но многу значаен  чекор.

 Правиме и партнерство со приватниот сектор, кое се надеваме дека во иднина уште повеќе ќе го продлабочуваме, за жителите да имаат поквалитетна достава, нагласи Алити.