Петар Печков

Објавено: сабота, 28 декември 2024 881 4

Во Основното училиште „Илирија“ Долно Јаболчиште се одржа годинашната Компиријада 2024. Манифестацијата е за прв пат одржана 2010 година организирана од  локалната самоуправа на Чашка и училиштето.

Неколку години наназад е поддржана како локална манифестација од Министерството за земјоделие. Настанот беше збогатен со програма изведена од учениците од училишето а пристуните имаа можност да ужуваат во планинскиот сончев ден, и околината која беше под снежна покривка.

Основна дејност на населението до Долно Јаболчиште е полјоделие  и сточарство. Гостите имаа можност да вкусат специјалитети подготвени од компир и костени, по  кои, овој крај е надалеку познат.

Во рамките на настанот децата од прво до петто одделение од училиштето добија новогодишни пакетчиња.