Петар Печков

Објавено: петок, 21 мај 2021 523 101

Група незадоволни мештани го блокираа локалниот пат, каде требаше да мине конвој на АРМ. Во групата имаше и повредено лице. Постапувајќи по војничките протоколи и во разговор со групата, војниците го надминаа проблемот а мештаните ги пуштија да продолжат со движење.

Ова беше една од неколкуте показни вежби, која беше изведен на армискиот полигон Криволак, во рамките на вежбата  „Одлучен удар 21“. Беше изведено и боево гаѓање на одделение на припадници на АРМ, како и  на војската на САД.

„ Концептот на вежбата се базира на фиктивно сценарио, кое треба да ја покаже подготвеноста на НАТО силите  за изведување на колективна одбрана, за подоцна да премине во против напад. Целта е да се покаже можноста на македонската армија, за поврзување со други армии членки на НАТО, во случајот  Вториот пешадиски баталјон на АРМ со  Четвртата Бригада за асистенција и поддршка на Армијата на  САД“кажа потполковник Стојанче Костов, командант на Вториот пешадиски баталјон

„Ги вложивме сите сили и капацитети со цел организирање на највисоко можно ниво да се одвив вежбата. Со тоа ќе покажеме пред НАТО партнерите дека сме достојни сојузници и сме подготвени да учествувавме во сите натамошни вежбовни активности и мировни операции, заедно со нив“ -рече  потполковник Тони Јаневски, портпарол  на Генералштаб на  АРМ

Заради транспорт на армиските возила на САД, кои учествуваат на вежбата, а со воз беа транспортирани од Солун до Криволак, Македонски железници, изврши репарирање на пругата во должина од 4 км, од железничка станица Криволак до воениот полигон.

Активностите на воената вежба „Одучен удар 21“ започнаа на 17-ти мај а завршуваат на 2-ри јуни. На неа учествуваат 1,5 илјади војници од Македонија, САД, Грција и Бугарија.