Петар Печков

Објавено: сабота, 24 јануари 2026 135 3

Ноќеска по полноќ во близина на СИМПО, кај возач од Свети Николе било констатирано дека управувал возило во алкохолизирана состојба. Повеќе во информацијата од велешката полиција.

„На 24.01.2026 во 01:35 часот, полициски службеници од СВР Велес го лишиле од слобода З.Р.(44 год ) од Свети Николе. При сообраќајна контрола на улица „11 Октомври“ во Велес, сопрено било патничко возило „мазда“ со кумановски регистарски ознаки кое го управувал и по преземени мерки било констатирано дека е под дејство на алкохол, односно измерени му биле 1,72 промили алкохол во крвта“ – соопшшти Ана Милевска Ѓорѓиева, портпарол ан СВР Велес.

Возачот бил задржан во полициска станица, известен бил јавен обвинител и по целосно документирање на настанот, против него полицијата ќе  поднесе пријава по член 297-а од Кривичниот законик „безобѕирно управување со моторно возило“.