Петар Печков

Објавено: среда, 24 јули 2019 749 169

По налог на Општина Велес, деновиве се врши вонредно чистење на Дервенскиот поток и игралиштето. Според  програма  за редовно чистење, игралиштето кај Потокот се чисти шест пати во годината, а Дервенски поток -канафките четири  пати во годината. Поради сметот кој несовесните граѓани таму го фрлаат, се врши вонредно чистење.

Досега игралиштето било чистено во февруари и во мај месец, а Дервенскиот поток во март и во јуни. Ова чистење е по налог од општина, не е редовно туку вонредно чистење и се чисти и игралиштето и потокот - велат од  ЈКП Дервен.

Од локалната власт апелираат граѓаните да не го фрлаат сметот на јавните провшини, туку во термините кога  комуналците на ЈКП Дервен го собираат сметот.