Петар Печков

Објавено: петок, 24 јануари 2020 2253 172

Посетителите на курсот кој се одржува во велешката касарна ,,Алексо Демниевски Бауман,, на учениците од ПОУ Маца Овчарова им подарија играчки. Тоа беше голем радост за 50-тината деца, кои посетуваат настава во ова училиште од прво до деветто одделение. Војниците одвоиле од нивните примања, собрале средства купиле играчки и со нив искрено ги израдуваа учениците со посебни потреби. 

Овој ден  децата ќе го помнат. Многу ни е драго  што војниците одлучија да не посетата да ги израдуваат учениците. Добивме покана и ние ќе ги посетиме нив и ќе имаме посилна соработка. Сите сме исти и убаво е што војската го покажува тоа на дело. Им благодариме - рече Ленче Гаданец директорка на ПОУ маца Овчарова. 

Потоа децата и војниците се натпреваруваа во пикадо, што предизвика вистинска еуфорија во салата со многу темперамент и навивања.