Петар Печков

Објавено: четврток, 23 јуни 2016 665 261

Второто годинашно  авионско третирање против комарците ќе го изврши на ден 29 Јуни  среда во периодот од 5,00 до 6.30 часот. Доколку временските услови не дозволуваат авионско прскање истото ќе се изврши наредниот ден, 30 Јуни четврток.

Границата, на третирањето е: Езеро Младост, с. Отовица, месност Јарбош, по течението на Вардар од север од Башино село низ Велес, се до вливот на реката Бабуна и село Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

 Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства. 

Неодамна се изврши и земско прскање против ларвите на комарците.  Првото ларвицидно третирање го изврши ЈЗО- Центар за Јавно Здравје – Скопје . Акцијата беше спроведена од Езеро Младост, с. Отовица, месност Јарбош, по течението на Вардар од Градскиот парк до делот на УЗ „Димче Мирчев“ па се до реонот на „Долни Дуќани“.