Петар Печков

Објавено: недела, 08 октомври 2017 2891 228

По втор пат во Велс беа изложени автомобили  т.н.  олдтајмери. Вниманието на велешани го привлекоа  бројни раритетни автомобили, кои и натаму можат да се забележат по македонските  улици, за различни пригоди.  Различно годиште, различни модели, но сите уникатни.   И годинава задоволството да се видат олдтајмери во градот, на велешани им го овозможи  здружението ,,Кингс оф д стритс,, од Велес.

 Има околу педесетина автомобили, не само  од Велес туку и од други градови. Од странство дојде еден гостин од Ниш – Србија, иако беа поканети и од други градови  и држави.  Најстари се бјуикот и опел Олимпија од Битола.  Имаме доста и од Велес, како домаќини. Тие можат да се видат често и по нашите улици.  Причина е љубовта кон колата. Или пак татко му, му оставил  и сопственикот ја одржува, реставрира. Имаме петнаесет члена во клубот и доста симпатизери. Ова задоволство да се има и одржува олдтајмер е скапо задоволство   Борче Мицевски претседател на здружението ,,Кингс оф д стритс,, од Велес. 

Најмногу внимание привлекоа два автомобили, со битолска регистарски таблички и во црвена боја. Тие се во сопственост на Драганчо Богевски –Попето од Битола. Беа изложени  ,,Опел Олимпија,, годиште 1952-та    ,,бјуик супер,, иста така 52-ро годиште.

Јас сум цел живот со овие автомобили, имам свој сервис, автоелектричар сум по струка. Пред 15  години изразив желба да ги реставрирам старите автомобили, дојдов до некој резултат. Имам и други, овие д ва се најбодро реставрирани. Имам уште 10 други. Ги чувам  дома, се користат за различни манифестации, за свадби, за снимање филмови, серии, спотови. Имаме клуб во Битола и секоја година се одржуваат изложби и се повеќе и  појќе има вљубеници за овие автомобили што ми е драго, оти традицијата ќе продолжи  - рече Богевски.