Петар Печков

Објавено: сабота, 10 септември 2011 725 353

Претставата е работена според текстот  на Џефри Хачер, во режија на Лилјана Тодоровиќ, и во неа настапуваат Селма Алиспахиќ и македонскиот актер Мето Јовановски.

            “Еден Пикасо” е претстава која за  позицијата на уметникот во Втората Светска војна, во борбата за зачувување на своето човечко достоинство и правото на слободно креативно делување. Пикасо, голем уметник, живеејќи во Париз, својата борба  против фашизмот ја спроведува со четка, сликајќи ги воените ужаси  и за време на Шпанската граѓанска војна, па не  е чудно што бил омразен и кај Германците.

Во средбата со нацистичката детективка Фишер  се  открива кој е всушност тој голем сликар, во чии дела доминираат чувствата на страдање и ужас, како предупредување за секое зло.  Пикасо во средбата со жената, неговата вечна инспирација, се преобразува во човек кој сочувствува и се идентификува со жртвите на фашистичкиот терор, но заедно со неа пронаоѓа начин оваа средба да ја претрвори во момент на слобода и созадавње.

            Партнерската игра на актерите Мето Јовановски и Селма Алиспахиќ уверливо и вдахновено го брани уметничкиот и човечкиот интегритет од секое ропство и фашизам.