Петар Печков

Објавено: вторник, 12 ноември 2013 2142 764

Советот на општина Велес 943.365 денари ќе распредели на партиите кои учествуваа на Локалните избори и го минаа потребниот праг на потребни гласови.На последната седница беа распределени средства на четири партии.

ВМРО-ДПМНЕ добива 501.795, СДСМ 416.805 денари. Пари ќе добијат и две други партии, кои иако немаат советници го минале прагот односно освоиле најмалку 1,5% од вкупниот број гласови од излезените граѓани на ниво на општината. Тоа се ДУИ со 17.145 и СДУ со 7.620 денари.

Парите им се исплатуваат на организаторите на изборната кампања во законскиот утврден рок поднеле извештаи за трошоците што се однесуваат на изборната кампања. Оваа одлука е во согласност со член 86 од Изборниот законик, кој вели дека ,,Право на надоместок на трошоци за избори имаат организаторите на изборната кампања од чии листи на кандидати се избрани членови на Совет, односно кандидат за градоначалник и се во висина од 15 денари по добиен глас,,.