Петар Печков

Објавено: сабота, 19 јули 2014 1928 259

Шеснаесет  верници денес беа крстени во водите на реката Бабуна крај Велес. Ова е  седми пат како се организира  групно бесплатно крштевање,  од Повардарската Епархија на МПЦ -ОА.  На ваков начин се предава Светата тајна – крштевањето. Тоа  е моментот, кога верниците според верата се соединуваат со Бога.

Чинот на осветување на водите на реката Бабуна и Светата тајна - Крштение го извршија протоереј Борис Симоновски, свештеник Мики Миовски и свештеник Игор Пармачки. Сите што денес  беа крстени беа млади, на возраст до 30-тина години.

Имаше и неколкумина од Скопје, Кавадарци. Скопјаните дојдоа  во Велес оти повеќе немало групна крштевка на Матка, тие  од Кавадарци  се одлучиле за Бабуна а не за групната крштевка на Тиквешко, оти морало час и повеќе да се патува со чамец.