Петар Печков

Објавено: вторник, 19 декември 2017 2427 254

Секторот  за внатрешни работи Тетово  поднесе кривична пријава  против  Н.Д.(25), С.Д.(18), двајцата од Велес, за сторени три кривични дела “одземање на патничко моторно возило“, и против Б.М.(32) од Струга, П.С.(52) од село Ропотово и А.М.(43) од  село Драчево, скопско за сторено кривично дело “прикривање“ - информираа од МВР. 

Двајцата велешани,  прво и второ пријавениот ноќта помеѓу 3- ти и 4-ти август  годинава во Тетово, на улица “Јован Ончевски“,  ја отвориле влезната врата од возилото „Југо Корал“, сопственост на 61 годишно лице од Тетово, влегле во возилото, и откако ги пронашле резервните клучеви,  го ставиле возилото во погон и го напуштиле местото на настанот. Возилото го продале во Струга на третопријавениот, којшто имал отпад за старо железо. 

Н.Д.  и С.Д.  на 3-ти септември годинава во Тетово на улица “Борис Кидрич“,  ја отвориле влезната врата од возилото „Голф“, сопственост на 36- годишно лице од Тетово, влегле во возилото, и откако ги пронашле резервните клучеви го напуштиле  местото на настанот. Потоа возилото го продале на четвртопријавениот за  15.000 денари, кој, пак,  го продал возилото на  50 годишно лице  од Прилеп, за 450 евра. Возилото „Голф“, полициски служебници,  го одзеле од лицето од Велес, и го вратиле на сопственикот. 

Двајцата браќа, прво и второ пријавениот на  12-ти септември годинава во Тетово, во кругот на Клиничка Болница Тетово, ја отвориле влезната врата од возилото „Рено 9“, сопственост на 42 годишно лице од село Долно Седларце, влегле во возилото, и откако ги пронашле резервните клучеви го напуштиле  местото на настанот.  Потоа возилото го продале на петтопријавениот за 11.000 денари, по што, полициски службеници на  25.09.2017 година го пронашле возилото  и го вратиле на сопственикот- пишува во документот на МВР.