Петар Печков

Објавено: сабота, 08 декември 2018 858 204

Двајца кочанчани починаа откако паднаа во провалија   длабока 40-тина метри  во близина на велешкото  село Сопот, на автопатот Скопје Велес.  Според МВР сообраќајката се случила во петокот попладне.  

Во 14,30 часот било пријавено дека патничко моторно возило „Рено Меган“ со кочански регистарски таблици, управувано од Г.Б.(35) од Кочани, излетало од коловозот. На местото на настанот починале возачот и сопатникот Д.М.(36) од Кочани - пишува во соопштението на МВР.

Извршен е увид од страна на јавен обвинител и увидна екипа. По наредба на јавен обвинител, телата биле предадени во Институтот за судска медицина за обдукција.  Телата на  починатите кочанчани ги ваделе пожарникари од ТППЕ Велес. Еден час траело вадењето на телата од провалијата.