Петар Печков

Објавено: четврток, 20 мај 2010 780 370

Две седмици комуналците од ЈКП Дервен го чистеа  сметот кои посетителите го оставија по првомајскиот викенд на излетничките места во околината на Велес, при што собраа 23 трактори со отпадоци. На езерото Младост и реката Бабуна, долниот тек, беа собрани 40 м3 ѓубре кое надлежните дванаесет дена го прибираа.

Повеќето од сметот беше покрај брегот на езерото Младост додека многу помалку покрај реката Бабуна. Хартија, пластични шишиња, искршени и повеќе неупотребливи викенд столчиња, заборавени скари, се најдоа во стотиците килограми смет кои завршија на градската депонија.

Од ЈКП Дервен апелираат дека овој простор, кој служи за излет, сега е чист во пресрет на летната сезона и гостите да ги користат кантите за отпад за да не се повторува оваа грда првомајска слика.