Петар Печков

Објавено: среда, 25 јуни 2014 581 246

Досегашниот ракометар на Пуерто Сагунто, бекот Дарко Димитриевски, потпиша едногодишен договор со тимот на Адемар Леон, кој се труди да врати барем дел од славата што ја уживаше пред повеќе сезони не само во Шпанија туку и низ Европа.

Димитриевски со своите 21 година и добрите физички предиспозиции (195 цм,94 кг) од шпанските медиуми е преставен како супер засилување за Адемар Леон, како и играч одлично игра во двата правца, во нападот и во одбраната. Тој во тимот од Леон, ќе го замени Србинот Предраг Дачевиќ, своевремено ракометар на Вардар.

Доказ за квалитетот на Димитриевски е и повикот од селекторот на нашата репрезентација Ивица Обрван кој веројатно ќе смета на велешанецот и на СП во Катар. Димитриевски пред да се пресели во Шпанија има играно за екипата на Катар Спорт, како и за македонски тимови Куманово и Вардар.