Петар Печков

Објавено: среда, 14 јуни 2023 320 13

Европското патувачко кино под отворено небо почна на 9 јуни и по трет пат годинава носи наградувани и возбудливи европски филмови со проекции на отворено за публиката ширум земјата.
 
Европското патувачко кино под отворено небо како загревање за Синедејс, секоја година патува во три различни градови ширум земјата и прикажува нови европски филмови, признаени од европската критика и сакани од европската публика. Годинава започна во Дебар а потоа продолжува во Велес и Битола каде што се отвораат нови Europe Houses.
 
На 16 и 17 јуни, во Амфитеатарот во паркот на младите во Велес, ќе има проекција на филмовите УШТЕ ЕДНА ТУРА (ANOTHER ROUND) (Данска, Шведска, Холандија) во петок и НАЈЛОШАТА ЛИЧНОСТ НА СВЕТОТ (THE WORST PERSON IN THE WORLD) (Норвешка, Франција, Шведска, Данска) во сабота.

Проекциите започнуваат во 20.30, доколку временските услови не дозволуваат, организаторот дополнително ќе информира за нова локација.  

По проекциите ќе следат разговори на познатиот филмолог Петра Бранковска од Гледај.мк коja со своите гости - филмски критичари и филмски познавачи, како и со публиката ќе разговараат за импресиите од филмовите.

Влезот на филмските проекции е бесплатен.

УШТЕ ЕДНА ТУРА (ANOTHER ROUND)  петок 16 јуни
(117 мин., Данска, Шведска, Холандија, 2020)
Дејствие: Мартин е учител во средно училиште кој се чувствува стар и уморен. Неговите ученици и нивните родители сакаат тој да прекинe за да им se зголеми просекот. Охрабрени од теоријата на промили, Мартин и неговите тројца колеги започнуваат експеримент за да го одржат постојаното влијание на алкохолот во секојдневниот живот. На почетокот, резултатот е позитивен. Класот на Мартин сега е поинаков, а проектот се промовира во вистинска академска студија со прибирањето на резултатите. Полека, но сигурно, алкохолот ги олабавува четворицата пријатели и нивното опкружување. Резултатите се подобруваат, и тие почнуваат вистински да го чувствуваат животот. Како што предметите влегуваат внатре, експериментот за некои напредува, а за други излегува од колосек. Станува сè појасно дека алкохолот може да доведе до големи резултати во светската историја, но дека секоја смелост може да има и последици.
Награди: ОСКАР 2021 за најдобар странски филм

НАЈЛОШАТА ЛИЧНОСТ НА СВЕТОТ (THE WORST PERSON IN THE WORLD) (128 мин., Норвешка, Франција, Шведска, Данска, 2021 г.)

Дејствие: Хроники од четири години од животот на младата жена Џули која се движи низ немирните води на нејзиниот љубовен живот и се бори да го пронајде својот пат во кариерата, што ја наведува пореално да погледне која, навистина, е таа самата.
номинација за најдобар странски филм и номинација за оригинално сценарио ОСКАР 2022.