Петар Печков

Објавено: вторник, 29 август 2023 146 14

Полициски службеници од Отсекот за превенција при СВР Велес на автопатот ,,Пријателство“, на наплатната рампа ,,Виничани“ и наплатната рампа ,,Демир Капија“ спроведоа превентивна активност ,,Вози одморен“.

„Заморот е една од главните причини за предизвикување на сообраќајни несреќи во овој период, а овие превентивни активности се главно насочени на делницата од граничниот премин Табановце до Гевгелија, каде во овој период особено се зголемува бројот на возила, особено странски туристи што поминуваат преку овој коридор“ - соопштуваат од МВР.

На возачите им биле  поделени и летоци со едукативна содржина и вода за освежување.

„Целта на денешната активност е подобрување на безбедноста во сообраќајот на патиштата преку едукација и подигање на свеста кај возачите како учесници во сообраќајот и намалување на незгодите кои се последица на заморот“ - додаваат од МВР.