Петар Печков

Објавено: понеделник, 24 февруари 2025 493 12

Hа неколку локации во Велес била спроведена едукативна кампања под мото „Не користи мобилен телефон додека возиш“.

„На возачите им беше укажано на опасноста и последиците кои ги предизвикува користењето на мобилниот телефон за време на управување со моторно возило, а воедно беше нагласено дека е неопходно и почитување на сообраќајните правила и прописи“- соопштија од МВР.

При оваа активност бил поделен и едукативен печатен материјал изработен од РСБСП, со цел зголемување на свеста на учесниците во сообраќајот и влијание на зголемување на личната безбеднот но и  безбедноста на останатите учесници во сообраќајот.

Едукативно превентивната активност е реализирана од страна на Отсекот за превенција при СВР Велес во соработка со полициски службеници од Полициската станица за безбедност на патниот сообраќај Велес.

 фото МВР