Петар Печков
Објавено: понеделник, 17 февруари 2025
На подрачјето на Градскиот пазар, „Сармаале“, како и на подрачја со поголема фрекфенција на граѓани, во неделата спроведена е превентивна-едукативна активност во рамките на кампањата на министерството насловена како „МВР за граѓаните“. Посебен акцент во разговорите со граѓаните е ставен за превенција од кривични дела од областа на компјутерски криминал „компјутерска измама“, „злоупотреба на лични податоци“ и „оштетување и неовластено навлегување во компјутерски систем“.
„Целта на активноста беше да се информираат граѓаните за овие видови на кривични дела и да се едуцираат како да се заштитат од ваков тип на криминал. Целна група беа повозрасните лица кои се полесна мета на измами и се недоволно упатени во функционирањето на социјални мрежи и начините на плаќање, на кои преку примери им се укажуваше и појаснуваше за формите на овие видови на измами, да не инсталираат апликации со кои им овозможуваат на измамниците далечински пристап во нивните мобилни телефони и електронско банкарство“ – соопштија од МВР.
Превентивната активност е реализрана од полициски службеници од Отсекот за превенција при СВР Велес, заедно со полициски службеници од Отсекот за компјутерски криминал при СВР Велес.
| Tweet |
