Петар Печков
Објавено: среда, 09 март 2011
Велешанец му подметна експлозив во дрвата за огрев на соседот, оти не разговарале. Б.С. ( 53 год) заработи кривична пријава за предизвикување на општа опасност затоа што во дрвото за огрев подметнал топовски удар.
Тој со сврдел издлабил дупка во цепеницата и во неа го ставил експлозивот па ја подметнал во соседските дрва, со цел кога ќе го стави во ќумбето да се грее, да експлодира и го повреди. Соседот кога ги земал дрвата за огрев, забележал дека едното од нив е поголемо од останати и е буково а не дабово како што тој ги има. Кога прегледал на големо изненадување во него видел топовски удар, по што повикал полиција.
Таа извршила претрес во домот на Б.С. и пронашла три сврдли, по чие вештачење е утврдено дека бојата која останал во дрвото и трагите од сврделот, одговараат на откриените кај осомничениот. По ова против него е поднесена кривична пријава за предизвикување на општа опасност а тој веќе имал лежено затвор за кривични дела против имотот.
| Tweet |
