Петар Печков

Објавено: понеделник, 18 септември 2023 3609 12

Саботата пред полноќ полицијата уапсила лице во Ореше, како краде од куќа во селото. МВР со детали за акцијата.

„На 16 септември  во 23 часот во село Ореше, општина Чашка, од полициски службеници од СВР Велес е лишен од слобода С.С.(37 год) од село Десово, прилепско.  Тој бил затекнат додека извршувал тешка кражба во куќа во село Ореше. При преглед кај него, биле пронајдени и одземени мобилен телефон и разни други предмети. С.С. е осомничен и за други кражби на подрачје на село Богомила и село Ореше“ - соопштија од МВР.

По целосно документирање на случајот, полицијата против лицето С.С. ќе поднесе соодветен поднесок.