Петар Печков

Објавено: недела, 25 мај 2025 2476 54

Петокот навечер, жител на селото Сливник, со неговиот трактор го попречил патот, па соселаните не кожеле да минуваат. Освен тоа им се заканувал, по што била побарана интервенција од полицијата. Деталите од информацијата на СВР Велес.

„На 23.05.2025 во 20.45 часот, полициски службеници од Полициско одделение Чашка го лишија од слобода Ј.М.(57 год) од село Сливник, општина Чашка, постапувајќи по пријава дека со трактор го блокирал патот во селото, не пуштал да поминат негови соселани и им се заканувал“ – соопшти Биљана Ѓаковска, портпарол на СВР Велес.

Ј.М. бил задржан во полициска станица, известен бил јавен обвинител и по документирање на настанот против него, полицијата ќе  поднесе соодветна пријава.