Петар Печков

Објавено: понеделник, 06 ноември 2017 3373 223

На првата прес конференција на новиот градоначалник Аце Коцевски, сериозни обвинувања за работата на претходната  локална власт. Тој посочи повеќе примери каде и  како се трошеле народните пари.

Сериозни се проблемите со обезбедување на греење на општинската зграда и сите  подрачни министерства кои се таму.   Немаше навреме тендреска постапка по што  не е обезбедена навреме доволна количина на  огревен материјал –ќумур  и  дрва.  Проблемите се премостени ситуацијата. Имавме проблем со огрев во повеќе подрачни училишта во општината – Превалец, Раштани,  Бузалково и Клуковец . Не се обезбедени навреме и не можеме да обезбедиме, бидејќи сметката на училиштето  ОУ Васил Главинов е блокирана   заради долгови и навреме не` распишана теднерска постапка. Помогна една компанија, од Велес од каде позајмивме огревно дрво за да се надмине кризата а откако ќе се надмине проблемот, ќе го вратиме огревот.   Во спротивно требаше да ја прекинеме  наставата и да нема настава во повеќе училишта во градот.    Во ОУ Васил Главинов имаше дефект, отстранет е  на системот за греење и од денес затоплување  има.   Во средното училиште ,,Коле Неделковски,, имаше сериозен проблем и еколошки дури. Пукнала цевка  од излез од резервоар, кој е со големи  количини во тони, при што истече нафта во почвата  и  преку подземните води може да се загади околината на училиштето  и во  комплекс УЗУС. Нешто спасивме  од нафтата, голем дел од неа истече – истакна Коцевски. 

Годинашнава Питијада ги чини  граѓаните, даночни обврзници 7,1 милион денари. Тоа е преголема сума на пари и морам да  кажам дека тое е висока сума. Манифестација до година ќе продолжи ако  нејзината организација ја прифане Стопанска комора а  Општина Велес биде поддржувач да, никако организатор.  За угостителски услуги Општина Велес платила или ќе плати  571 илјади денари од кои 221 илјади денари само за еден угостителски  објект – Инбокс кафе. При тоа за луѓето кои биле на и околу сцената  биле потрошени пари за   400 чаши виски, 300 штокови, 400 вотки и други пијалаци. Лани за истата намена биле потрошени 70 илјади денари, годинава три пати повеќе.  Се сомневам за злоупотреби а парите се потрошени во изборната кампања. Сите сомнителни фактури се парафирани,иако  на ниту една нема потпис, доказ кои се лицата кои јаделе и пиеле, кој правел софра, кои биле гостите.      Така многумина, било кои се  честени , било на сметка на Општина Велес – кажа Коцевски.

Тој ги прецизираше долговите на Општина на  169 милиони денари – 2,75 милиони. Најголем дел биле  кон  ЈКП Дервен во висина од 87,6 милиони денари . Кон превозниците на учениците во основно и средно долговите биле     36,6 милиони денари. Кон фирми добавувачи од 30 милиони денари , 22,7 милиони денари се за извршени за градежни работи  а  неплатени, додека  7,8 за градежни зафати кои се во тек.