Петар Печков

Објавено: вторник, 05 ноември 2013 772 271

За време на одржување на манифестацијата „Питијада„ полициските службеници од Секторот за внатрешни работи Велес беа постојано присутни на терен и превземаа мерки за одржување стабилен јавен ред и мир и безбедно одвивање на сообраќајот. И покрај масовната посетеност на нашиот град од голем број луѓе од други населени места но и наши сограѓани, јавниот ред и мир беше стабилен што говори и фактот дека нема регистрирано ниту едно нарушување на јавниот ред и мир .

Во поглед на безбедноста на сообраќајот за време на одржување на манифестацијата „Питијада„  , полициска оценка е дека успеале да воспостават безбеден сообраќај, со оглед на тоа дека делови од главните улици во градов беа исклучени за сообраќај на возила , односно сообраќајот беше пренасочуван.

Полициските службеници постојано беа присутни на терен и го регулираа сообраќајот, и воедно вршеа насочување на возилата кон предвидените места за паркирање. Полицијата  им се заблагодарува на возачите кои имаа разбирање за новите услови во кои се одвиваше сообраќајот и се придржуваа до физичкото регулирање кое го вршеа полициските службеници. Промена на режимот на сообраќај имаше од 01.11. (петок) од 08,30час. се до 03.11. (недела) до 22,00час.