Петар Печков

Објавено: петок, 06 декември 2024 192 6

Заврши воената вежба „Мајпл арч24“ која две седмици се одржуваше во Македонија. Таа е специфична бидејќи за прв пат  е комбинација со  компјутерска симулација, која се одвиваше во Центарот за симулации лоциран во касарната Алексо Демниевски Бауман во Велес, и на терен, на полиготот на Криволак.

„Во светот постојат терористи, сајбер закани, земји и актери кои се закануваат на безбедноста на нашите земји и тие не познаваат граници.  Со вежба како оваа, ние што го почитуваме светскиот   ред, поредок безебдност, не гледаме на граници, туку соработуваме сите заедно, против овие закани“ – кажа Мишел Камерун амабсадорка на Канада.

Вежбата годинава се одржа по 25-ти јубилеен пат, носител беше  Канада а организатор Македонија.
„Оваа вежба е доказ дека македонската армија нуди можности и услови за заокружување на целиот процес за извежбување согласно највисоките НАТО Стандарди“ – кажа Владо Мисaјловски, министер за одбрана.

Вежбата траеше две седмици, учествуваа 600  припадници на армиите  земји членки на НАТО Канада, Македонија, Полска и Литванија и од две партнерски армии Украина и Грузија.