Петар Печков

Објавено: среда, 11 мај 2022 338 57

Започна кампањата „Подобрување на безбедноста на патните премини на железничката пруга“ која е  во организација на Секретаријатот на транспортната заедница на Европската комисија, во соработка со Министерството за транспорт и врски. Кампањата ја промовираше Министерот за внатрешни работи Оливер Спасовски кој кажа  дека безбедноста во сообраќајот е проблематика од примарен јавен интерес.
„Можам да потенцирам дека ефектите од сеопфатниот пристап веќе даваат позитивни резултати како во делот на подигањето на јавната свест, едукацијата, сообраќајната култура, така и преку статистичките показатели во поглед на намалувањето на жртвите и штетите во сообраќајот. Тука, се разбира, не ја исклучувам ни безбедноста во железничкиот сообраќај, кој има и огромно економско значење“-изјави Спасовски.

Во текот на 2021 имало две жртви на македонските пруги од која една беше и во Велес, на патниот премин за Горно Оризари,  а во 2020 година имало една жртва во сообраќајна несреќа на железнички премин. Од  МВР  велат дека тие и другите надлежни институции се целосно подготвени за посилен заеднички и координиран пристап во насока на целосно анулирање на сообраќајните несреќи на железничките премини.

кампањата има за цел да ја подигне свеста кај целата јавност, да продолжат заедничките активности, институционални и образовни за да се заштитат децата, возрасните и сите учесници во сообраќајот.