Петар Печков

Објавено: понеделник, 04 септември 2017 1365 295

Започна учебната 2017/18 година. Во седумте основни  училишта во  Општината и четирите средни, на училиште во велешко  тргнаа 6.733 ученика основци и среднисти.   Успешна година им  посака градоначалникот Чадиев.

На секој почеток се посакува многу успех, да  учат да се социјализираат бидејќи ова е почеток на  долг образовен процес. Барам и трпение до родителите бидејќи децата се наоѓаат секогаш пред предизвик, да го трасираат животниот пат. Во Општина Велес има  470 првачиња што е 17 повеќе од лани. Учебната година започна без проблеми со обезбедени  се што е  потребно за старт, ако се јават проблеми ќе ги решаваме во од   – рече градоначалникот Чадиев.

И додека тој се пофали дека годинава имало повеќе прво одделенци од  лани, бројките  кои минатата година беа презентирани  од локална власт посочуваа  дека  во прво  одделение тогаш тргнале  580 првачиња, а пред две и три години бројката се движеше околу 600. Или годинава имало стотина помалку додека  градоначалникот тврди годинава имало  повеќе од лани. 

Вкупно во основно образование на настава тргнаа 4 532 ученика, додека во средно образование настава започнаа 2201 ученик. нема податоци колку ученици се запишаа во прва година средно.