Петар Печков

Објавено: петок, 16 мај 2025 206 51

Ha повеќе населени места на подрачјето на општина Велес  ce реализираше  превентивна активност, при што со граѓаните беше разговарано за заштита и намалување  на опасностите за настанување на шумски пожари и пожари на отворен простор.

„Граѓаните беа предупредени за внимателно извршување земјоделски работи, со акцент за опасностите од предизвикување пожари од палење на меѓи, стрништа со сува трева  и смет на ниви. Во рамки на превентивната активност беше посочено дека е законски казниво палењето на нивните обработливи површини“ - информираа од МВР.

На граѓаните им бил поделен печатен едукативен материјал, со информативна содржина, изработен во соработка со ЈП „Национални шуми“, а насочен кон подигнување на свеста за превенција од пожари.

Активноста е реализрана од  полициски службеници од Отсекот за превенција при СВР Велес.