Петар Печков

Објавено: понеделник, 22 јануари 2024 223 24

Сцената на велешки театар овој месец јануари ќе биде без претстава на матичниот театар. Првата претстава ќе биде на 25 јануари премиера на театарот „Вортекс“ претставата „Кучешко срце“ која се игра на мала сцена со две претстави за два дена.  Претставата е според  текст на Михаил Булгаков, во режија на Ѓорѓи Ризески.

Потоа на 27 е гостувањето на Кумановскиот театар со претстава „Соѕвездија“во режија на Нела Витошевиќ, по текст на Ник Пејн.

За крајот на месецов е гостувањето на Сашо Коцев со неговиот стенд ап  „Широк Дијапазон“. 

Од велешки театар најавуваат дека деновиве ќе започнат со подготовка на две премиери, работени од сопствени средства. Тоа се комедиите „Чуден пар“, според Нил Сајмон, во режија и адаптација на Ненад Витанов и „Паника“ според Мика Милиахо, во режија и адаптација на Александар Ивановски.