Петар Печков

Објавено: недела, 26 декември 2010 1198 386

Дејството се случува во 50-тите години на 20 век  на еден сиромашен остров на југот на Италија и претставува криминална драма. Претставата е изведувана ширум светот,а во Македонија првпат беше  режирана од Зоја Бузалкова  и изведена во 2002 од студенти на ФДУ од Скопје. Ова ќе биде прво претставување на професионална театарска сцена во Македонија.

Режисерот Дејан Дамјановски, кому ова му е четврта премиера во Велешкиот театар, на прес-конференција рече дека авторот Бети бил правник и судија и преокупиран со човечката природа, природата на злото  и егзистенцијалната вина  што ја чувствува човекот.

Самиот автор често прибегнува кон формата на криминални мистерии во своите текстови, а  и овој не е исклучок. Станува  збор за едно конкретно злосторство  кое се извршува на еден запуштен остров изолиран од светот. Тоа е почва   за нашата претстава која по формата би ја нарекле  еден вид фарса за ужасот, што човекот го чувствува и обзема кога ќе се погледне во  огледало, кога ќе се соочи со самиот себе - рече Дамјановски.

Во претставата играат  актерите Слободанка Чичевска, Кица Ивановска, Кети Борисова, Роберт Ристов, Самоил Стојановски  и Кирил Гравчев.

Оваа е трета премиера  на Велешкиот театар во 2010-та, по  претставите „Баханалии“ и „ Генерална проба за самоубиство“