Петар Печков

Објавено: недела, 27 ноември 2022 155 22

Во деветтото коло oд Првата футсал лига, екипата на КМФ Кеги моби загубија  на Чаир од актуелниот првак,  ФК Шкупи со 6:3 (4:2), кој оваа сезона е трето пласиран на табелата.  По ова коло велешани остануваат 4-то пласирани со 13 бода. Во следното коло  велешани повторно гостуваат, овој пат во Скопје на екипата на КМФ Железарец, која е  сосед на табелата 5-та со 10 бода.   Фудбалерките на ФК Борец во 10 коло од Првата лига, загубија од лидерот ФК Љуботен во Тетово со 11:0 (4:0). По ова коло велешанки се  10 од 12 екипи со една победа и три бода. Во следното коло  во Велес гостува РК Речица, која има бод повеќе и е едно место погоре на табелата. Во среда во 16 финалето  од Купот, велешанки треба да гостуваат во Македонска Каменица на екипата на Саса.  Во оваа фаза се игра еден натпревар, а победникот оди натаму.
 
На гостувањето во Гостивар, нов пораз за фудбалерите на ФК Борец, во Втората лига. Во 13 коло поразени се од ФК Беса која беше  9-то пласирана, со 3:0, Сите три гола домаќините ги постигнаа во вторите 45 минути. И натаму велешани го држат фенерот во оваа конкуренција без освоен бод. И домаќините и велешани натпреварот го завршија со играч помалку, имаа по еден исклучен фудбалер со црвен картон. Во следното коло повторно противник на ФК Борец е екипа од Гостивар, овој пат истоимената ФК Гостивар, која е второпласирана и со скопски ФК Вардар води борба за пласман во Првата лига.