Петар Печков

Објавено: вторник, 20 април 2021 771 82

Продолжува трендот на повеќе оздравени отколку ново заразени со ковид-19 во велешко. Бројките за изминати 24 часа на Институтот за јавно здравје, покажуваат дека во велешко има 36 ново заразени а дури 54  оздравени. Или активни се 679 случаи а досега во велешко има 5.242 заразени.

Едно лице од Велес, на возраст од 76 години е починато во болница во Скопје, позитивно на ковид-19. Тоа е 158 жртва од последиците на ковид-19.

Во велешка болница вкупно се хоспитализирани 85 пациенти,  од кои 71 се потврдени позитивни, четворица  сомнителни  и десет пациенти со негативен брис но задржани на болничко лекување.

„На кислородна поддршка се 46 пациенти.  Испишани се 12  пациенти како оздравени со по еден негативен тест за ковид-19“ – кажа д-р Елеонора Јованова, портпарол на Општа Болница Велес.

Во Инфективно одделени се 35, на Интерно  девет  во Физикална 11 а во Модуларна болница  се 30 пациенти.

фото: Ангел Јорданов