Петар Печков

Објавено: четврток, 31 мај 2018 2006 225

Велешката полиција со благодарност до медиумите, откако го идентифукуваше телото на починатото лице, пронајдено на ридот над Башино село, пред два месеци.

По објавувањето на информацијата за пронајден машки леш на ден 13.03.2018 год.  кај место викано „Барјаче“ во близина на с.Башино село се јавија повеќе граѓани од кои едно лице го препозна починатиот и по извршените анализи за утврдување на идентитетот на истиот, на ден 14.05.2018 год. со сигурност се потврди дека се работи за лицето А.Б.(50) од Велес. Изразуваме благодарност до средствата за јавно информирање за помошта во расчистување на овој случај - стои во соопштението на СВР Велес.  

Велешката полиција во истиот допис бара помош за пронаоѓање на две лица кои се водат како изчезнати повеќе денови.

На ден 07.05.2018 год. околу 01.00 часот од својот дом на ул.„Љубљанска“ бр.25  лицето Десанка Лапевска(78)  излегла и се упатила во непознат правец. Жената е висока околу 160 цм.  со црвена коса, облечена во сина тренерка и црна блуза на долги ракави и црни чевли.

На ден 22.05.2018 год. околу 07.00 часот лицето Наќо Илчев (66) од Велес излегол од неговиот дом и досега не се вратил. Човекот е висок околу 180 цм. Со беле коса, носи наочари, облечен во тренерки, горниот дел е црн со бели ракави. Виден е последен пат близу игралиштето кај Агенцијата за вработување

СВР Велес ги замолува граѓаните да ги известат за било какво сознание во врска со овој настан.