Петар Печков

Објавено: среда, 18 октомври 2023 478 11

Пожарот кон во неделата доцна вечерта ја зафати шумата помеѓу велешките  села Мамутчево, Милино и Лозово, ја оштети пругата  Велес - Кочани. Повторно се изгорени стотици дрвени прагови во Овчеполието, кои треба да се заменат.

„Оштетувања се регистрирани во должина од 2,5 км. Дополнително ќе се пребројат изгорените дрвени прагови. Пругата на оваа релација е  затворена за сообраќај“- соопштија од МЖ.

До пожарот дојде откако земјоделец запалил стрниште, а огнот од силниот ветер се проширил по соседните површини и кон боровата шума стара најмалку 50 години. Проценките се дека е изгорена шума во двете општини Велес и Лозово околу стотина хектари.

Железнички патнички сообраќај од и кон Кочани  не се одвива две и пол години.

Претходниот месец во два наврати поради запалени стрништа, беа опожарени преку 1,2 илјади дрвени прагови во Пелагонија и железничкиот сообраќај беше од и кон Битола беше во прекин.