Петар Печков

Објавено: петок, 28 октомври 2022 11221 20

Ноќеска автомобил излетал пред Офицерски, искршени се повеќе садници дрвја, „П“ столпчиња и излеано е масло на коловозот. Автомобилот завшрил на тротоар, малку требало да влета во објектот на  Офицерскиот. СВР Велес со информација за настанот.

„На 28. октомври околу 00.30 часот во СВР Велес било пријавено дека на ул.„Благој Ѓорев“, патничко возило „форд“ со  велешки регистарски ознаки, управувано од Ј.Т.(26 год ) од Велес, излетало од коловозот. Во незгода нема повредени лица“ - соопшти Ристе Самарџиев, портпарол на СВР Велес.

Увид извршила увидна екипа од СВР Велес.

Екипите на ЈКП Дервен се на терен и ги санираат штетите.