Петар Печков

Објавено: петок, 22 декември 2023 14767 9

Велешанец пријавил во полиција  дека е измамен од кавадарчанка, со која требало да живеат заедно. Тој и ги дал парите на чување, жената ја снемало. Повеќе детали од информацијата на СВР Велес.

„На 21 декември во 10.40 часот во Полициската станица Велес, 73-годишен велешанец пријавил дека бил измамен од И.„Н“ (непознато презиме з.а.)  од Кавадарци. Според пријавеното, пред неколку дена тие се договориле да живеат заедно во неговиот дом во Велес, по што и дал парични средства да ги чува, по што таа ги зела парите и неговата австриска платежна картичка и си заминала“ - соопшти Биљана Ѓаковска портпарол на СВР Велес.

Полицијата најавува дека  презема мерки за расчистување на случајот.