Петар Печков

Објавено: понеделник, 17 август 2020 392 136

Сообраќајната полиција открила случај на криумчарење на мигранти, кој се случил во саботата претпладне. 

На 15-ти август во 09.30 часот на регионалниот пат Неготино -Градско, кај стар мотел Градско, полициски службеници запреле товарно возило „мерцедес 911“, со скопски регистарски ознаки. Веднаш по застанувањето, возачот побегнал, но набргу бил пронајден и приведен. Станува збор за А.Ф.(20) од село Визбегово, скопско. При преглед во товарниот дел во возилото биле пронајдени 80 лица мигранти, 79 од Пакистан и едно  од Еритреја - информираа од МВР.

Увид бил извршен од полициски екипи, а за настанот бил известен Јавен обвинител, по чија наредба против А.Ф. била поднесена кривична пријава, поради основи на сомневање за сторено кривично дело по член 418-б став  4 во врска со став 2 од Кривичниот законик.

Исто така, по наредба на Јавниот обвинител мигрантите се сместени во Прифатниот транзитен центар „Винојуг“ - Гевгелија.