Петар Печков
Објавено: сабота, 02 септември 2017
СДСМ ги објави имињата на дел од кандидатите за градоначалници од општините за престојаните локални избори закажани за 15 октомври. Во Општина Велес нивен кандидат е Аце Коцевски.
Имам задоволство да го претставам мојот поранешен колега како градоначалник, сега кандидат за градоначалник, тоа е Аце Коцевски. Кога почнав во 2005-та како г градоначалник на Струмица Аце блескаше како градоначалник, блескаше и градот. Очекувам дека Велес ќе го врати својот сјај преку заедништво на граѓаните на Велес водени од идниот градоначалник Коцевски. Убеден сум во ова. СДСМ го слуша гласот на народот, до кандидатот дојдовме преку мноштво анкети, направиве истражувања, Коцевски водеше со 77 отсто гласови пред било кој кандидат од било која политичка партија. Велес заслужува подобри и посилни перспективи а тоа со Коцевски ќе го изврши – рече лидерот на партијата Зоран Заев, при посетата на Велес.
Коцевски беше градоначалник на Велес во два мандати во 2000-та и 2005-та а во 2009-та загуби од Горан Петров во вториот круг, исто како и 2013-та од Славчо Чадиев во вториот круг. Во првиот круг и во двата случаи не беше избран за неколку стотина гласови.
| Tweet |
