Петар Печков

Објавено: понеделник, 04 мај 2020 1095 165

Градоначалникот на Велес Аце Коцевски реагира на поделбата на владината помош по градови, каде има регистрирано поголем број на позитивни случаи со КОВИД-19. Велес според процентот на заболени 8,5 е заедно со Тетово, а после Прилеп, Куманово и Скопје, но досега не добил конкретна помош, кажа на прес конференција Коцевски.  

Велес неправедно не го добива тоа што го добиваат други градови. Очекувам дека неделава ова ќе се коригира. Некои општини делат помош доделена од државата на јавни површини, на случајни минувачи. Ние ја немаме таа привилегија, бидејќи не сме добиле. Не можам да посочам поради кои причини не` нема, но очекувам дека помошта ќе се дели на праведен начин – кажа Коцевски.  

Одговарајќи на новинарско прашање додаде  дека и тој ќе ја донира разликата од минималната плата од 14,5 илјади денари до таа што ја прима како градоначалник,  на наменската донаторска сметка, во борбата со КОВИД-19. 

Што се однесува до членовите на Советот, според толкувањето од локалната власт, со Уредбата од Владата, тие нема да добиваат надоместок до декември 2020-та, до крајот на годинава. Освен лицата кои се водат како невработени а се членови на Советот, во вистина на минимална плата од 14,5 илјади денари.